خلييك مُختلف

لما ثقتك بانسان عزيز عليك تهـتز وتخيب .. بتشووف انو الدنيا بقت ما فيها امان ولا ليها طعم ,
وانك لازم تبعد عن العالم لفتره مؤقته,

علي الاقـل فتـره تدي فيها نفسك فرصة , وتفكر عشان تشوف النقص وين ! وهل هو فييك انت ولا في زولك السابك بدون مقدمات ..!

❉❉❉

بس حقـو تعرف من البدايه
حتي قبل ما تدي نفسك فرصة تفكر فيها
انـو النقص ابدا ما فيك انت ✌
لانو البسيبك بكل بساطه حتي ولو كان عندو سبب فهـو ما حبـاك ,
البحبك ما حيبعد عنك , ما بِتَعزر بالظروف واِنها اقوي منو !
البحبك جـد لما تمر بيكم ظروف صعبه بتزيدكم حب وبتخليكم تتمسكو ببعض اكتـر ✌✌
..
ااي والله , الظروف رغم انها بتجي قاسيه بس بتكون امتحان لعلاقتكم (l)
الظروف هي البتكشف معادن الناس ✓
وهي كمان البتوريـك اذا زولك دا بحبـك حب حقيقي ومتمسك بيـك ولا عاديك مجرد زول عادي وساذج وخاتيك في مكان فـ قلبـو امكن تكون قدر السمسمه , واحتمال تكون ما دخلتَ قلبو من الاساس ☚

▒▓▒
الزول الـ بحبـك بكل عفويه بِتصنع اعذار وهميه لِكُل مشكله تحصل ما بينكم بس عشان ما يبعـد عنـك ويفضل معاك علي طوُل ✌✌
♦♦♦
ولازم تعرف قبل كل شئ الفرق ,
الفـرق بين زول يحبك عشان زاتك ونفسك وشخصيتك القويه او الضعيفه ,
وبين حد تاني بحبك لـ مجرد قضاء وقت معاك ,
وانـو شاف فيك زولوُ السابو وجرحو قبل كدا .
..
..
وكمان في البحبو باحاسيس صادقه , وبقدمو ليك كل ما هو جميل ورائع ♥♥
بس ما عارف ليه في النهايه بكونو ضحية نفوس مريضه , ادوها من الحب اكتر مما تستحق 
امكن لانـو قلوبهم لسه نظيفه وما اتلوثت ,
قلوبهم البعـد شويه مُمكـن تتحجر من كترت الخداع والغش الاتعرضو ليـه .
❈❈
❈
ودايما الاستعجال في تكوين العلاقات العاطفيه
ودخول وسيط بين البـنـت الولد ..!
وكتـرت تكرار انا بـحـبـك وبمووت فييك والكلمات المعروفه دي
دا كلو بآدي لـ فشل العلاقه ✔

❆❆❆

لما تحـب
خلييك مُختلف
غيير اسلووبك وتعاملك مع زولك ♥♥
حسسو انك فعلا بتحبو بس بطريقه مختلفه ^_^
طريقه انت البتبتكـرها وتخليه يدمن وجودك وما يقدر يسيبـك , حتي لو فَضَّل المـوت عشان ما يبعد عنك .. ) وااالله بِحصل ( .
..
..
قلوبنا ♥ لما تتعلق بـ حاجه
مستحيل تاني ننساها بسهولـه
حتي لو كان نفسنا نبعد , قلوبنا بتشن حرب عليينا وبتهزمنا فيها كمان بِكُل شراسه ✌
✇✇
✇

فـ الحكايه والله ما محتاجه اكتـر من اننا ندي نفسنا فرصه ونختار الزول الصح ✌
الزول المستقبـل ♡
الزوول الحـب , الريد , والبسمه ^_^
..الزول الممكن يخليك تدمن الحياه علشانو
ومن غييرو حيـاتك مـا حتـكـون ليهـا طعم =/

◐◐◐

في مكـان قريب ليك ساكن زوُلك
سبب فرحتك وسعادتك واحساسك بالطمانيـنـه ,
زولك قسمتك الربنا اختـارو يكمل معاك رحلتك للنهايه .