سيبها على الله

يعـني لما الواحد فينا يحـس ولـو لمـره واحده انـو حيـاتو دي مهمه جـدا وعـندها قيـمه ولـازم يسعى بكل جهدو انو ياسسها ويخلييها ميه الميمه ، ما ضروري انو نخليها مثاليه ، بكفى اننا نخلييها بتتصف بالصفات الجميله البتعكس صورتنا للمجتمع ، واللهي بتخلينا نظهر معدنا الاصلي بعـيـد عن الاقنعه ..
لكن رغم دا ما بنكون خاتين بالنا للاخطاء العفويه البتحصل واللهي بكل بساطه ممكن تدمر كل حاجه في ثانيه ، الاخطاء دي للاسف ممكن نكون نحن السبب الاساسي في حدوثها وممكن كمان ما نكون السبب .. ➘
عارفين لما نخلي زول بكل بساطه يـغـتـحم حياتنا ويـبقً اكُسجينا ، نحبو ، نتعود على وجودو ، ندمن انفاسو وكل طلاسم وجهه ، ما بنقدر نستحمل يوم انو يمر بدون ما نشوفو ، عارفين يعني شنو اننــا نحـب انسان ما بتكتمل حياتنا بدون وجودو ، حتى الضحكه ما بتطلع من جوانا صادقه إلا وهوو يكون معانا ..¿! ⇊
حاجه غريبه بالجد اننا نتعلق بـآنسان حتى الترف ، لالا هوو ما نبـي او ولـي ولا بدخلنا الجنـه بعدين ، هو زول عادي زي وزيكم وزي اي حد في الدنيا ؛ بس ربنا كرمو ورتب امورنا وخلانا نتلاقه بمجرد الصدفه الخلت حياتنا تتغير 180 درجه تحت الـ 0 .زول ذي دا ما مفروض يـبـعـد عننا باي شكل من الاشكال صح ! لكـن لا هو حالف ستين يمين انو يبعد ، يسافر وبخلينا نحن نعاني ، نعاني لاننا فقدنا اعز حاجه كانت بتدخل الفرحه على حياتنا ، ونعاني لاننا كنا اغبياء وخلينا حياتنا بكل بساطه تمشي على حد واحد وكـانـو الـدنيا مـا فـيها غير فلان دا, بـس فـعلا " الـحـب بعمي البـصـيـره " ..

➬ ⇩
طب ليه نحن ما فكرنا انو كل شيء حلو بروح ؟؟
ليه اتعلقنا بالحد دا رغم اننا على يقين انو حيجي يوم ويبعد ؟؟
ليه حبيناها كل الحب دا وعشنا لحظات هي الحتكون سبب في انو حياتنا تمشي عكس ارادتنا في المستقبل ؟؟
❤ ➘
- لما نفقد حـد عزيز علينا حنتألم جدا ، الحـد دا ما اي زول في حياتك ، لا بالعكس هو زول انت بتحبو جدا ♥ ممكن يكون اخوك امك ابوك حبيبك صديقك ، لانو ديل هم اكتر ناس نحن بنتوجع لما نفقدهم ..
⇩ ⇓
حصل سمعتو بحـد فقـد حد كان بنكد عليه ..!
طبعا لا .. كل حد نحن بنكرهو وبنتمتى انو يختفي من حياتنا ، بفضل لاصق فينا ما بسييبنا ابدا
حاجه اوفر جدا مش كــدا ..!
↯ ↯
حنفضل على طول نسال نفسنا لييه بحصل لينا كدا !
نحن عملنا شنو في حياتنا غلط عشان نتعاقب بحرمانا من اجمل حاجه في حيياتنا ، وبندعي ربنا في لحظة ضعف انـو يشيل الناس الوحشين فـي حياتنـا ويخلي لينا احبابنـا الما بنستحمل بعدهم ، وعشان حياتنا نكون مظبوطه وفرحانيـن .
..
ولان الانسان بطبيعتو لما يتعلق بحاجه ويخليها جزء من حياتو ؛ مستحييل تاني مهما حصل يتنازل عنها ، لانو خلاص اتعود علييها وبقت من ملكيتو الخاصه .بس لما يكون القـدر والقسمه اقـوه من ارادة الانسان ما حيقدر يعمل حاجه ساعتها ، غيير انو بتمنى تحصل معجزه .. معجزه صغيــره بـس تطلعو من الهواا واقع فيه ، معجزه ترجعو لحياتو الاولى الاكثر استقررا وطمانيه ..
▂▃▄▅▆▇▂▃▄▅▆▇█
صدقوني لو كل واحد فينا قعد مع نفسو وراجعها حيلقى نفسو غلطان في حاجات كتيييره جدا ، ومن جملتها اننا نتعلق بامور الدنيا ، ونخلييها اهم حاجه في حياتنا وننسى انو كل حـاجـه زايـله ..
ـــــــــ
☏
واللـه كل مـا الحـاجه كـانت للـه وقـاصديـن بيها
رضـاه مـا بـتـروح ابـدا وبتفضل مـعـانا لحـدي ما
نـمـل ونـزهـج مـنـهـا √ .
فـ كن للـه كـمـا يـريـد يـكـن لك فـوق مـا تـريد .